نامه مراد پاشا صدراعظم به شاه عباس بوندن اقدم احسن حال ده طرف قرين الشرف لرندن نامهء مشكين ختامه لريله فخر المعتمدين ، شمس الدين محمد آغاى روملو ، قوللرى كلوب . آثار فتنه و فساد دفع و رعايا و برايانك اختلال حال لرى رفع النمغيچون نيجه كلام صلح انجام تبيين و اعلام اولنمغله بوندن اقدم محب صافى ضمير لرى طرفندن دخى مكتوب محبت آسا تحرير و انشا اولنوب معتمدلرى اولان مزبور محمد بك ايله بوطرفك دخى معتمدى اولان خير الدين چاوش زيد قدره جانب عالى لرينه كوندرلمشيدى مشاراليهما ايله ارسال اولنان مكاتيب مزك اجوبه و اخبارى برييله قريب صادر و ظاهر اولمامغله سعادتلو پادشاه ظل اللّه ايده اللّه و ابقاه حضرت لرينك و آستانهء سعادت آشيانه لرنده اولان شيخ الاسلام و علماى عظام كثر هم اللّه الى يوم القيام حضراتنك اتفاق مرام لرى اوزره جنت مكان فردوس آشيان غرقهء بحر غفران سلطان مراد خان عليه رحمة المنان زمان با امان لرنده قبضهء تسخير و تصرفه كتوريلان ممالك محروسه نك كيرو ضبط و تصرفى و داخلنده واقع مساجد و معابدك احياسى و مذهب حنفينك اجراسى مهمات دين و دولت و لازمهء ناموس و عرض سلطنت دن اولمغله عسكر انجم شمار نصرهم اللّه تعالى الى يوم القرار ايله اشبوماه جمادى الاخره نك يگرمى يدنجى گوننده ارض رومه كلنوب انتطار اخبار امتداد بولمغله معجزات حضرت رسول مجتبايه توكل و ارواح مقدسه چاريار عظام ( رض ) توسل اولنوب اول طرفه عزيمت اوزره ايكن مقدما ارسال اولنان مشاراليهما محمد آغاى روملو ايله خير الدين چاوش زيد قدرهما